പര്‍ണം പൊഴിച്ചു വര്‍ണ്ണം വിതച്ച്
ഭൂമിയെ പുണര്‍ന്ന് വൃക്ഷലതാദികള്‍
മഞ്ഞില്‍ കുളിച്ചൊരു ശിഖരവുമായി
ജനുവരി പെണ്ണിനെ കാത്തിരിക്കുന്നു
പുതുവര്‍ഷത്തിന് നറുമണം പകര്‍ന്നിതാ
തൂവെള്ള പൂക്കള്‍ നിറഞ്ഞു നിരന്നിതാ
പ്രണയവും മോഹവും ചിന്തയുമെല്ലാം
ജനുവരി പെണ്ണേ നിനക്ക് മാത്രം !
കുലായമൊരുക്കി കുഞ്ഞിനെ കാണാന്‍
കാത്തിരിക്കുന്നു വാനമ്പാടികള്‍
സ്വപ്നങ്ങളൊന്നായ് പൂക്കുന്ന മാസം
സുന്ദരിപെണ്ണേ ജനുവരി നീയേ !
കാലത്തിന്‍ വേദനയൊന്നു മറക്കുവാന്‍
പ്രതീക്ഷതന്‍ നൗകയില്‍ യാത്രയായിടുവാന്‍
ധനുമാസകുളിരില്‍ പൂത്തുലയുമീ
ജനുവരിയെ നിന്നെ സ്വഗതമേകുന്നു
ചൂടിനാല്‍ മൂടിയ ഭൂമിക്ക് പുതപ്പായ്
നിരന്നു നിരയായ മഞ്ഞുകണങ്ങളും
മഞ്ഞിനാല്‍ തീര്‍ക്കും മഞ്ഞുമനുഷ്യനും
ജനുവരി പെണ്ണേ നിന്‍റെ മാത്രം
ധനുവും മകരവും പങ്കിട്ടെടുത്ത്
കൈരളിക്കിവള്‍ അലങ്കാരമായി
ആദിയുമന്ത്യവും പ്രവചിച്ചിതാ
ജാനുസ്ദേവന്‍ ജനുവരിയായ്
മരുപ്പച്ച
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ