മനസ്-ചിന്ത

പ്രകാശത്തിന്‍ നടുവില്‍നിന്നിട്ടുമെന്തേ
ജ്വലിക്കുന്നില്ലനിന്‍ഹൃത്തടം

കോരിച്ചൊരിയുന്നമഴയത്ത്
നിന്നിട്ടുമെന്തേതണുക്കുന്നില്ലനിന്നുള്ളം

മോടിയുള്ളോരു വസ്ത്രം
ധരിച്ചിട്ടുമെന്തേ നഗ്നമായിനിന്‍മേനി

പ്രണയമെന്നു പലവട്ടമൊഴിഞ്ഞിട്ടും
എന്തേപ്രണയംനിന്നെപുല്‍കിയില്ല

എരിഞ്ഞിരുന്നൊരു ചെരാതില്‍
കരിവണ്ട് തമസ്സ് പരത്തിയൊ

ഞാനെന്ന ഭാവവും സ്വാര്‍ത്ഥമാം
ചിന്തയും പ്രകാശം കെടുത്തിയോ

യവനിക വീഴും മുന്പേ ദീപ്തമാക്കീടുക
ഇരുണ്ടുപോയൊരു ഹൃത്തിനെ--