നഷ്ടമാകുന്ന കേരളീയത
**************************
അദ്വൈതമന്ത്രമുരുവിട്ട മണ്ണില്‍
അധര്‍മത്തിനാത്മാവ് വാഴുന്നുവോ !
ഒരു ജാതി ഒരു മതം ചൊല്ലിയ നാട്ടില്‍
ജാതി മതമിന്നളവുകോലായോ !
കായലോളത്തില്‍ നിഴല്‍ വിരിച്ചു
അരുണനെ നോക്കിയ കേരമില്ലിവിടെ
കായലോരത്തെ കായം വരുത്തി
കരിമണല്‍ കുഴിക്കുന്നു കരിങ്കാലികള്‍
വിഷമെന്ന് ചൊല്ലിയ മദ്യത്തെയിന്നിതാ
അമൃതായൊഴുക്കുന്നു കേരള മണ്ണില്‍
അഞ്ചഞ്ച് വര്‍ഷങ്ങള്‍ പകുത്തെടുക്കുന്നവര്‍
തത്വശാസ്ത്രത്തിന്‍ പിന്‍ബലത്താല്‍
ഊട്ടുന്ന മുലയിലുമാസക്തിയേറുന്ന
കാമാഗ്നി പേറുന്ന കോമരങ്ങള്‍
ചട്ടങ്ങള്‍ മാറ്റുവാന്‍ വെമ്പുന്നവര്‍
രാഷ്ട്രീയക്കാരന്‍റെ ചട്ടുകമോ ?
നിയമത്തെ തേടുന്നനിസ്വനെ നോക്കി
പത്തിവിടര്‍ത്തുന്നു നീതി സിംഹാസനം
മണ്ണിനെ പുല്കുവാന്‍ മറന്നൊരു മലയാളി
മലയാള ഭാഷയും മറന്നുവല്ലോ-
ടവറുകള്‍ പൊക്കി ശലഭത്തെ കൊന്ന്
പൂക്കളില്ലാത്തൊരു നാടൊരുക്കി
പ്ലാസ്റ്റിക്ക് കൂമ്പാരം തോട്ടില്‍ നിറച്ച്
നീരമില്ലാത്തൊരു ഭൂമിയുണ്ടാക്കി
മരുപ്പച്ച
