മഴയില്ലാത്ത ഭൂമി

           മഴയില്ലാത്ത ഭൂമി
          *********************

പേമാരിമാറുന്നു മാരണമേറുന്നു

മരിക്കുന്ന ഭൂമിക്ക് കാവ്യങ്ങളേറുന്നു

വെട്ടിമുറിച്ചവര്‍ ഭാഗം വച്ചീടുന്നു

മാളിക പണിയുവാന്‍ കണ്ടം നികത്തുന്നു

ആദര്‍ശം  ചൊല്ലുവാന്‍ നാക്കുകളേറുന്നു 

കര്‍മ്മത്തെ പുണരുവാന്‍ മാനുഷരിന്നില്ല

വെട്ടിപ്പിടിച്ചതും കെട്ടിപ്പടുത്തതും

കൂട്ടിചേര്‍ത്തിവര്‍ താണ്ഡവമാടുന്നു

വറ്റുന്ന സ്നേഹം പോല്‍ വരളുന്നു ഭൂമിയും

ഉരുകുന്ന  മനസ്സിലുമേറുന്നു ചാപല്യം
ചൂടെന്ന് ചൊല്ലി സൂര്യനെ പഴിക്കുന്നോര്‍
ചെയ്തതെല്ലാമേ മറന്നീടുന്നു

അസ്ഥിപോലുരുകുന്ന ധരണിയും
ഞരമ്പുപോല്‍ വലിയുന്ന  നദികളും
പാട്ട് മറന്നൊരോ പച്ചക്കിളികളും
പച്ചപ്പ്‌ മറഞ്ഞോരോ പാടങ്ങളും

 സ്നേഹവും സത്യവും കഥയായി ഭൂവില്‍
ഭൂമിക്കും നാരിക്കുംവിലപേശും ജന്മങ്ങള്‍
ദൈവങ്ങളെങ്ങോ ഓടി ഒളിക്കുന്നു
ദൈവത്തിന്‍ പേരില്‍ കുരുതികളേറുന്നു

മരുപ്പച്ച