തീ തുപ്പും തോക്കുകളെന്നിനി ചോറ് വിളമ്പി-
അന്നദാതാവായിടുമൊട്ടിയ വയറുകള്‍ക്ക്‌ !
മനുഷ്യക്കുരുതിക്കായ് ഉന്നം പിടിപ്പവര്‍
മനുഷ്യ രക്ഷക്കായ് കണ്ണു തുറന്നെങ്കില്‍ !
അതിര്‍ത്തി തകര്‍ക്കും ബുള്‍ഡോസറെന്നിനി
കര്‍ഷകനുതകും കലപ്പയായിടും ഭൂവില്‍
മൈന്‍ വിതറും കരങ്ങളെന്ന്‍ വിത്ത് വിതച്ച്
വിതക്കാരനായി ശോഭിക്കുമീ ഭൂവില്‍
ബോംബ്‌ വര്‍ഷിക്കും വിമാനമെന്നിനി
പട്ടിണിയകറ്റുവാനപ്പം വര്‍ഷിക്കും
ബോംബുകള്‍ ഭൂമിയില്‍ നിറച്ചൊരു മാനവര്‍
തേടുന്നുയിടങ്ങള്‍ സൗരയൂഥത്തിലും
ആയുധം വാങ്ങുവാന്‍ വെമ്പുന്ന മനസ്സുകള്‍
അന്നത്തിനേകുവാന്‍ കാശില്ല കൈകളില്‍
യുദ്ധ കൊതിയന്മാര്‍ മെനയുന്നു തന്ത്രങ്ങള്‍
ശാപമീ ലോകത്തിനെന്നുമെന്നും
നടക്കുവാന്‍ കാലില്ല പിടിക്കുവാന്‍ കയ്യില്ല
യുദ്ധത്തിനടയാളമായിഴയുന്ന ജീവതങ്ങള്‍
അനസ്യൂതം തുടരുന്നു പാലയനങ്ങള്‍
ലക്ഷ്യമില്ലാത്തൊരു തീരം തേടി-
കലിംഗയുദ്ധങ്ങള്‍ തുടരുന്നുയനവരതം
പിറക്കുന്നില്ല അശോകനിനിയുമിവിടെ
ശാന്തി പരത്തുവാന്‍ ശാന്തി സേനകള്‍
വിതറുന്നു ബോംബുകളവരും ധരണിയില്‍
മരുപ്പച്ച
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ