എന്‍റെ യെന്‍റെ മാത്രമെന്ന് ചൊല്ലി
എന്നിലേയ്ക്ക് ചുരുങ്ങും ജന്മമല്ല
ദേശബോധമെന്നോര്‍ക്കുക മനുജാ !
ജന്മദേശംമാത്രമല്ല നിന്‍റെ ദേശം
ലോകമേയെന്‍ തറവാടെന്ന്
ആര്‍ത്തുഘോഷിക്കുക നീ
വിപ്ലവത്തിനാരവമുയരുമ്പോള്‍
ചെഗുവേരയ്ക്ക് കൂട്ടാളിയായി
അഹിംസയ്ക്ക് കൂട്ടു കൂടുമ്പോള്‍
ഭാരതത്തിനാത്മാവ് തേടും ഞാന്‍
കറുത്തവനെ ചവിട്ടിയരയ്ക്കുമ്പോള്‍
ഞാനൊരാഫ്രിക്കക്കാരന്‍
തത്വചിന്തക്കിടം തേടുമ്പോള്‍
ഞാനൊരു ഗ്രീക്കുകാരന്‍
ഭാഷദേശ ഭേദമില്ല യക്ഷരത്തിന്
കാവ്യങ്ങള്‍ ചൊല്ലുവാന്‍ മടിയില്ല
എഴുതിയതാരെന്നറിയില്ല
പാടിയാതാരെന്നറിയില്ല
മന്വന്തരങ്ങള്‍ താലോലിക്കുന്നു
ദേശമേതന്നറിയാതെ--!
കലകള്‍ വിടര്‍ത്തിയ നാടോടികള്‍
ദേശമില്ലാത്ത ദേശവാസികള്‍
കരുണയാണവരുടെ ദേശബോധം
സ്നേഹമാണവരുടെ വര്‍ഗ്ഗമുദ്ര
യുദ്ധഭൂമിയിലെങ്ങും
പരാജിതന്‍ പക്ഷം
പൊരിയുന്ന വയറിന്
ചെറുവിരല്‍ സാന്ത്വനം
അതാണെന്‍റെ ദേശവാദം---
മരുപ്പച്ച
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ