വൃക്ഷച്ചില്ലയും മനുഷ്യനും
******************************
പ്രകൃതിയിലേക്കുള്ള ഒരു നോട്ടം അതാണ്‌ പലതും എനിക്ക് കാണാന്‍
കഴിഞ്ഞതും പഠിക്കാന്‍ ഞാന്‍ ശ്രമിച്ചതും, മുന്നില്‍ കാണുന്ന മരങ്ങള്‍
അതിന്‍റെ ചില്ലകള്‍ അടുത്തടുത്തായി നില്‍ക്കുന്ന മരങ്ങള്‍ പല കുടുംബത്തില്‍പ്പെട്ടവര്‍, വിദേശിയായ അക്കേഷ്യയും മാഞ്ചിയവും
പിന്നെ നമ്മുടെ നാടിന്‍റെ പ്ലാവും ആഞ്ഞിലിയും , കൊന്നയും പിന്നെ നമ്മുടെ
കേരവൃക്ഷവും എല്ലാംഅടുത്തടുത്തായി ആര്‍ക്കും ഒരു പരിഭവവുമില്ല. അവരുടെ വേരുകള്‍ ഭൂമിയില്‍ ജലം തേടുന്നു അവര്‍ക്കിടയില്‍ വര്‍ണ്ണങ്ങലില്ല , തീണ്ടലുകള്‍ ഇല്ല, സൂര്യനും ഭൂമിയും അവര്‍ക്ക് ഒന്നേയുള്ളൂ മനുഷ്യനും അതല്ലേ, പിന്നെ എന്തേ മനുഷ്യനിടയില്‍ അന്തരം, കാല് പതിച്ചിരിക്കുന്നത് മനുഷ്യനും ഭൂമിയിലല്ലേ, അതിന്‍റെ ശാഖകളിലേക്ക് ഒന്ന് നോക്കിയാല്‍ ചെറുകാറ്റത്ത് ഇളകിയാടുന്ന ചില്ലകള്‍ വ്യത്യസ്തമായ താളത്തില്‍ മൂളിപ്പാട്ടോടെ നൃത്തം ചെയ്യുന്നതാണോ എന്ന് തോന്നിപ്പോകും. വെവ്വേറെ മരച്ചില്ലകളെയൊന്ന്‍ വീക്ഷിച്ചാല്‍ ഓരോ മരങ്ങളുടെ ചില്ലയും വ്യത്യസ്തമായി ആകും കാറ്റിനോട് പ്രതികരിക്കുന്നത് എന്ന് മനസ്സിലാക്കാം.
എന്നിട്ടും പല താളങ്ങളിലായി കാറ്റിനോട് പ്രതികരിച്ച് സംഗീതം പുറപ്പെടുവിക്കും, അതുപോലെ മനുഷ്യര്‍ എല്ലാപേരും ഒരു പോലെ ആയിരിക്കണം പെരുമാറുന്നത് എന്ന് ശഠിക്കുന്നതില്‍ എന്ത് യുക്തിയാണുള്ളത്
പക്ഷേ എങ്ങനെ ആയാലും അവനാല്‍ കഴിയും വിധം സംഗീതമാകുന്ന നന്മ പുറപ്പെടുവിക്കാന്‍ കഴിയണം. കാറ്റിനോടൊപ്പം പ്രതികരിക്കാതെ ഏതെങ്കിലും മരച്ചില്ലക്ക് നില നില്‍ക്കുവാന്‍ കഴിയുമോ, അങ്ങനെ നിന്നാല്‍ ആ ചില്ല ഒടിഞ്ഞു വീഴില്ലേ, അതുപോലെ മനുഷ്യരും സമൂഹത്തോട് അല്ലെങ്കില്‍ തന്‍റെ പ്രശ്നങ്ങളോട് തെല്ല്‌ വിട്ടുവീഴ്ച യോട് അഭിമുഖീകരിച്ചാല്‍ സന്തോഷം ആകില്ലേ ജീവിതങ്ങള്‍, അതല്ല എല്ലാറ്റിനും എതിരെ മരുതലിച്ചു നിന്നാല്‍ ഒടിഞ്ഞുവീഴുന്ന ശിഖരം പോലെയാകില്ലേ--------,
മരുപ്പച്ച
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ